San Valentino
Quatòrdes de febrààr
de tanti, tanti ànn fa,
l'éra S. Valentino
fèèsta di inamurààt:
se sùnten incuntrààt
quasi de sfruus, mé e té,
per fàse en regaléèn,
per dììse amò de sé.
Gh'ììvi scundììt in mààn
n'anél cùi brilantéèn....
té te brusàvet de dààme
tutt d'òòr en cureséén;
le mààn le s'è incuntrààde,
i òcc i s'è vardààt
e sensa dììse nièènt
parìa gh'èsen giurààt....
e da chél dé luntààn
adèss, ogni ànn, mé e té
spetùm S. Valentino
per dììse amò de sé,
per dììse amò na volta:
" grasie de l'aneléén".
Quatòrdes de febrààr;
l'amòòr de chél dé chi
ch'el duura per na vita...
ch'el pùda mai finìì!