Itée, ma ghèet sentìit la nuitàa?

Gh'è rivàat  zo  Branduardi, el cantautùur,

e 'l Sindech, in cumeun, el gh'à fàtt fàa

na cunferèensa stampa.....ma che unùur!

Ma sée... ma gh'ò sentìit, per faghe festa

i g'à ficàat in màan el " Stradivàari"

cùma na scùa....! Ma 'ndùa gh'àa la téesta?

Va bèen che, incòo, i unùur i gh'ì à i sumari!

Gnàanca se 'l feuss Accardo o Uto Ughi,

o n'àalter ( mé sò mìia) de chéi en pò bòon..!

Mé dìsi el g'à sunàat el bughi bughi.....

e 'l Sindech  " Bravo! Fidech, che artistòon!"

La sera, el cuncèert; dées mila watt....

tremàa la piàsa, tremàa i pée, le màan.....

anca i sùurd i diventàva màtt....

i l'à sentìit, persìna, in via Milàan!

Pò... quàand el bòon Signùur el gh'à vurìit

e i gh'à  stufàat  l'ànta a més cumeun.....

alùura, finalmèent, i gh'à finìit!

Ma de chi èl...... ch'én vegna peu niseun!!!